MMuthaallim.com Gives you a opportunity to write Islamic articles, stories and Islamic history on here. It's great opportunity to write Islamic articles and share to the world through Muthaallim.com Also you can write Dargah (Mazar) shareef details, About Aalim (ulama), Shuhada and Many more.
ಕೊಡಗು ಎಂದ ತಕ್ಷಣ ನೆನಪಾಗುವುದು ಬೆಟ್ಟ, ಗುಡ್ಡ, ನದಿ, ತೊರೆ, ಕಾಡು, ಹಳ್ಳ, ಕೊಳ್ಳಗಳಿಂದಾವೃತವಾದ ನಿತ್ಯ ಹರಿದ್ವರ್ಣದ ವನಗಳಿಂದ ಕಂಗೊಳಿಸುವ ಪ್ರಕೃತಿ ಸೌಂದರ್ಯ. ಮಲೆನಾಡಿನ ಮಡಿಲೆಂದೇ ಬಣ್ಣಿಸಲ್ಪಡುವ ಕೊಡಗಿನಾದ್ಯಂತ ಮಳೆಗಾಲದಲ್ಲಿ ಅಲ್ಲಲ್ಲಿ ಸೃಷ್ಟಿಯಾಗುವ ಸಣ್ಣ ಸಣ್ಣ ಜಲಪಾತಗಳು ಹಾಗೂ ಚಳಿಗಾಲದ ಮಂಜು ಮುಸುಕಿದ ವಾತಾವರಣವು ಕೊಡಗಿಗೆ ಹೆಚ್ಚಿನ ಮೆರುಗನ್ನು ನೀಡಿರುತ್ತದೆ. ಹಾಗೆ ನಿಸರ್ಗದ ಚೆಲುವನ್ನೆಲ್ಲ ತನ್ನ ಮಡಿಲಲ್ಲಿ ಹುದುಗಿಸಿಕೊಂಡಿರುವ ಕೊಡಗು, ಇಸ್ಲಾಮಿಕ್ ಇತಿಹಾಸದ ಪುಟಗಳಲ್ಲಿ ದಾಖಲಾಗಿರುವ ಸೂಫೀ ಶಹೀದ್ (ರ) ಎಂಬ ಸೂಫಿವರ್ಯರ ತ್ಯಾಗ ಮತ್ತು ಬಲಿದಾನಕ್ಕೆ ಸಾಕ್ಷಿಯಾಗಿ ವಿಶ್ವಾಸಿ ಸಮೂಹಕ್ಕೆ ಆದ್ಯಾತ್ಮಿಕ ಅನುಭೂತಿಯನ್ನೂ ನೀಡುತ್ತಿರುವ ಸ್ಥಳವಾಗಿದೆ. ಕೊಡಗಿನ ಎಮ್ಮೆಮಾಡು ಎಂಬ ಸ್ಥಳದಲ್ಲಿರುವ ಮಖಾಮಿನಲ್ಲಿ ಅಂತ್ಯ ವಿಶ್ರಮ ಪಡೆಯುತ್ತಿರುವ ಸೂಫೀ ಶಹೀದ್ (ರ) ಎಂಬ ಸೂಫೀವರ್ಯರೇ ಕೊಡಗಿನ ಪ್ರಕೃತಿ ಸೌಂದರ್ಯಕ್ಕೆ ಆಧ್ಯಾತ್ಮದ ಮೆರುಗನ್ನು ನೀಡಿದ ಮಹಾನರಾಗಿದ್ದಾರೆ. ಸುಮಾರು ಮೂರೂವರೆ ಶತಮಾನಗಳ ಹಿಂದೆ ಪರಿಶುದ್ಧ ಇಸ್ಲಾಮಿನ ದಿವ್ಯ ಸಂದೇಶದೊಂದಿಗೆ ಇಲ್ಲಿಗಾಗಮಿಸಿದ ಈ ಮಹಾನರ ಪಾದಸ್ಪರ್ಶದಿಂದ ಪುನೀತವಾದ ನಾಡಾಗಿದೆ ಕೊಡಗಿನ ಎಮ್ಮೆಮಾಡು. ಇಸ್ಲಾಮಿನ ನವೋತ್ಥಾನ ನಾಯಕರ ತವರೂರಾದ ಈಜಿಪ್ಟಿನ ಮಣ್ಣಿನಲ್ಲಿ ಜನ್ಮತಾಳಿದ ಸೂಫೀ ಶಹೀದ್ (ರ) ರವರು ತಮ್ಮ ಸಹೋದರಿಯೊಂದಿಗೆ (ಅದು ಸಹೋದರಿಯಲ್ಲ ಗುಲಾಮ ಸ್ತ್ರೀಯಾಗಿದ್ದರು ಎಂದೂ ಕೆಲ ಇತಿಹಾ